And I Love You So. . .(Chapter 6)

   "Boy? anung problema? bat ka lasing? bat ka umiiyak?" pag aalalang tanong ni Jay kay Lance.
   "si Bettina boy gusto makipaghiwalay sa akin," sagot ni Lance sabay tulo ng mga luha.
   "ha? bakit naman?"
   "pupunta siya ng ibang bansa dun na siya mag-aaral,"
   "eh bakit makikipag hiwalay siya sayo?, mahal nyo naman ang isat isa diba?"
   "yun nga sabi ko sa kanya, kung mahal talaga namin ang isat isa, kahit nasa malayong lugar pa siya magiging kami pa din, total may communication naman eh,"
   "eh anung sabi niya?"
   "hindi daw siya naniniwala sa LONG DISTANCE RELATIONSHIP"
   Tumigil si Lance sa pagsasalita at patuloy lang na tumutulo ang kanyang mga luha. Naaawa si Jay sa kalagayan ng kaibigan niya. Kahit sabihin niya sa sarili niya na natutuwa siya sa nangyayari sa dalawa hindi pa rin niya kayang nakikita na nasasaktan at umiiyak si Lance,

   "boy tama na wag ka na umiyak, maayos din yan" pag aalo ni Jay sa kaibigan.
   "hindi ko kayang mabuhay ng wala siya boy, mahal ko siya boy, mahal na mahal" wika ni Lance habang tumutulo ang mga luha niya.

   Lihim na napaluha si Jay sa mga sinabi ni Lance.Patuloy pa din sa pag iyak si Lance si Jay naman ay nasa gilid ng kaibigan at pinapatahan ito.

   "tara inom tayo boy" pagyaya ni Lance kay Jay
   "boy alam mo namang hindi ako umiinom, tsaka isa pa lasing ka na, matulog ka na lang" pagpigil ni Jay kay Lance.
   "ok lng kung ayaw mo, ako na lang"
   Sabay sakay ni Lance sa kotse at nagdrive. Dumiretso si Lance sa bahay na inuupahan nilang dalawa. Duon ay uminom ng uminom si Lance habang patuloy na tumutulo ang mga luha.Si Jay naman ay pumunta din sa bahay nila,dahil alam niyang iyon lang ang pwedeng puntahan ni Lance pag nagkaka problema ito.

   Pagdating ni Jay sa bahay nila, Naawa siya sa kalagayan ng kaibigan. Nakaupo ito sa sopa at lasing na lasing.Hawak ang bote ng beer. Wala ng malay si Lance sa kalasingan. Lumapit si Jay kay Lance, inalalayan niya itong makaupo ng maayos. Bakas sa mga mata ni Lance ang mga luha. Awang-awa si Jay sa sitwasyon ng kaibigan.
   Niligpit niya ang mga kalat ng kaibigan niya. Pagkatapos ay kumuha siya ng maliit na planggana na may malamig na tubig at bimpo. Pinunasan niya si Lance. Sa di sinasadya ay napasandal si Lance sa balikat niya at muntik ng magdampi ang kanilang mga labi. Natigilan si Jay at di nakapagsalita. Nakatingin lang siya sa maamong mukha ni Lance. Hinaplos ni Jay ang pisngi ni Lance.
   "bettina wag mo akong iwan mahal kita" wika ni Lance na lasing na at walang alam kung anung sinasabi

   Napaiyak si Jay. Ang sakit ng nararamdaman niya ngayon. Mahal na mahal niya ang kaibigan niya,kaso iba ang mahal nito. Malapit lang ito sa kanya pero hindi niya hawak ang puso nito.
   "were so close yet so far away" sa isip ni Jay kasabay ng pagluha.

   "ako na lang kasi Lance , a-ako na lang, ako na lang" wika ni Jay habang umiiyak at hinahaplos ang mukha ng wlang kamalay malay na si Lance.


Itutuloy. . .